10 ақпан 2023 16:02

Евгений Кочетов ақпарат және қоғамдық даму вице-министрі болды

Дина Шарипханова Корреспондент

ПОДЕЛИТЬСЯ

Евгений Кочетов ақпарат және қоғамдық даму вице-министрі қызметіне тағайындалды, - деп хабарлайды Tengrinews.kz тілшісі Үкіметінің баспасөз қызметіне сілтеме жасап.


Евгений Кочетов ақпарат және қоғамдық даму вице-министрі қызметіне тағайындалды, - деп хабарлайды Tengrinews.kz тілшісі Үкіметінің баспасөз қызметіне сілтеме жасап.

"Қазақстан Республикасы Үкіметінің қаулысы бойынша, Евгений Дмитриевич Кочетов Қазақстан Республикасының ақпарат және қоғамдық даму вице-министрі қызметіне тағайындалды", - делінген хабарламада.

Евгений Кочетов 1988 жылы Астана қаласында дүниеге келген. Қазақ гуманитарлық заң университетін, М.В. Ломоносов атындағы Мәскеу мемлекеттік университетін бітірген.

2009-2013 жылдар аралығында "Жас Отан" ЖҚ және "Нұр Отан" ХДП орталық аппаратының түрлі құрылымдық бөлімшелерінде кеңесші, сарапшы, консультант болып жұмыс істеді.

2013-2014 жылдары – "Цесна Корпорациясы" АҚ девелопментінде бөлімше басшысы.

Әр жылдары жеке меншік коммерциялық құрылымдарда жұмыс істеді.

2016 жылы "Қазконтент" АҚ Kaztube.kz видеопорталының жетекшісі болып тағайындалды.

2016-2017 жылдары – Қазақстан Республикасы Ақпарат және коммуникациялар министрлігі Орталық коммуникациялар қызметінің директоры.

2017-2018 жылдары – "Қазконтент" АҚ басқарма төрағасы.

2018-2019 жылдары "Нұр Отан" партиясының Стратегиялық бастамалар институты директорының орынбасары қызметін атқарды.

2019-2020 жылдары – "Рухани Жаңғыру" КЕАҚ қазақстандық қоғамдық даму институты басқарма төрағасының кеңесшісі.

2020 жылғы қаңтардан бастап қазіргі уақытқа дейін "Медиа дамыту қоры" корпоративтік қорының бас директоры болып жұмыс істеді.

Әр жылдары "Литер" қоғамдық-саяси газеті, "Капитал" іскерлік басылымы, "Власть" интернет-журналы, "Информбюро" ақпараттық-талдау порталында шолушы болып жұмыс істеді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Читайте также
Join Telegram
Алматыда қойма өртенді

Валюта бағамы

 451.28   490.7   5.06 

 

Ауа райы

 

Редакция Жарнама
Социальные сети