+7 (777) 001 44 99
ПОДЕЛИТЬСЯ
Ресейде аңшы иттер инсульт алған 72 жастағы үй иесін бірнеше күн бойы орманда суықта жылытқан, - деп хабарлайды Tengrinews.kz тілшісі Lenta.ru басылымына сілтеме жасап.
Ресейде аңшы иттер инсульт алған 72 жастағы үй иесін бірнеше күн бойы орманда суықта жылытқан, - деп хабарлайды Tengrinews.kz тілшісі Lenta.ru басылымына сілтеме жасап.
Ростов облысының төтенше жағдайлардың алдын алу және жою департаментінің мәліметінше, 1950 жылы туған "Тернова" шаруа қожалығының тұрғыны Сулинск орман шаруашылығына аң аулауға шыққан. Көп ұзамай ер адам байланысын тоқтатты, алаңдаған туыстары құтқару қызметіне жүгінген, содан кейін іздеуге құтқарушылар мен полиция қызметкерлері қосылды.
Жоғалған ер адам келесі күні жерде жатқан күйінде табылды. Алдын ала мәлімет бойынша, ол инсульт алған.
"Екі аңшы иті жәбірленушінің суықта аман қалуына көмектесті. Лайка мен орыс иттері бірнеше күн бойы иесін тастамай, жылытып отырған. Иттердің бірі ауыр жарақаттанған, ол жабайы аңмен төбелесуге мәжбүр болған сияқты, бірақ иесі зардап шеккен жоқ", - деді ведомство өкілі.
Ведомство мәліметінше, жануарлар иесіне жақындауға мүмкіндік бермей, әйелі оқиға орнына жеткеннен кейін ғана шегінген. Тексеруден кейін ер адам ауруханаға жатқызылды. Дәрігерлер қазір оның өмірі үшін күресіп жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
