Реклама +7(700) 388 81 09
  1. Басты
  2. Біл
  3. Өмір
  4. Шоу-бизнес

Роза Рымбаева Imanbek туралы сөзіне байланысты алғаш рет пікір білдірді 08 шілде 2021, 08:44

"Экспресс-К" журналисі Қазақстанның Халық әртісі Роза Рымбаеваға хабарласып, Иманбек Зейкеновке қатысты сөзін түсіндіруін сұрады, - деп хабарлайды
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
  • WhatsApp
  • Қате таптыңыз ба?

© instagram/rozarymbaeva © instagram/rozarymbaeva

"Экспресс-К" журналисі Қазақстанның Халық әртісі Роза Рымбаеваға хабарласып, Иманбек Зейкеновке қатысты сөзін түсіндіруін сұрады, - деп хабарлайды Tengrinews.kz тілшісі.

Басылым тілшісі әншіден болған жайтқа байланысты және ұлы Әли Оқаповтың ойына қатысты не ойлайтынын сұрады. Алайда Роза Қуанышқызы қысқа жауап қайырған. 

"Пікір білдірмей-ақ қояйын. Мен енді Иманбекке қатысты жауап беруден бас тартамын. Мен журналистерге сұхбат бердім, басқа нәрсеге айналдырмай-ақ қояйық, жарай ма? Айттым, бітті! Келісе ме - келіспей ме, біреуі қарсы, біреуі қолдайды - онда шаруам жоқ", - деді Роза Рымбаева. 

Еске салайық, жақында әнші Роза Рымбаева Azattyq Rýhy порталына берген болатын. Сұхбат барысында ол Иманбек Зейкеновтің өнеріне байланысты пікір білдіріп, ол "сәттілік" қана деп атаған еді. 

"Керек кезде, керек жерде болу. Жолы болып кетті. Оның үстіне ол кәсіби музыкант емес. Бұл жай ғана сәттілік. Ырғағын, мәнерін ауыстырды да қойды, мұның бәрі компьютерде жасалады. Оны remix ретінде бағалады, автор ретінде немесе орындаушы, автор-өңдеуші ретінде емес. Жоқ, ол тек жылдамдығын үдетіп, балаларға тән ән шығып, ырғағы ауысты", - деген еді Рымбаева.

Артынша Imanbek Роза Рымбаеваның сөзіне жауап берген еді. 

"Біріншіден, ол мен үшін ересек адам, аға буын, мен оны ешқашан сынамаймын. Қалай айтарымды да білмеймін. Мен дауласпаймын, бұл оның пікірі. Тыңдап, түсіндім", - деді Imanbek.

Көп ұзамай әншінің ұлы да болған жайтқа байланысты ойын айтты. Ол анасының айтқан сөздерімен келіспейтінін жеткізген болатын. 

"Анамның айтқанымен келіспеймін" - Әли Оқапов

Сілтемесіз жаңалық оқисыз ба? Онда Telegram желісінде парақшамызға тіркеліңіз!


Join Telegram