Алматылықтар дүниежүзіндегі ең үлкен ұшақты видеоға түсіріп алды 06 қазан 2021, 09:16
Алматы тұрғындары қаладан ұшқан дүниежүзіндегі ең үлкен Ан-225 "Мрия" ұшағын түсіріп алды. Тұрғындар түсірген фото және видео 5 қазанда kris.p.almaty.official тобында пайда болды, - деп хабарлайды Tengrinews.kz тілшісі.
"Ан-225 "Мрия" сағат 08:30-да Алматы әуежайынан ұшып кетті.
"Дүниежүзіндегі ең үлкен ұшақ. Антонов", - деп жазылған жазбада.
Видеолардың бірінде куәгер 250 тонна таси алатын украиналық көлік ұшағының Алматы әуежайындағы ұшу-қону жолағынан ұшып бара жатқанын көрсеткен. Тағы бір видеода ұшақ алып құс секілді қаланың үстінен ұшып бара жатыр.
View this post on Instagram
Бұл "Ан-225 "Мрия" ұшағының Алматы әуежайына бірінші рет қонуы емес. 2020 жылдың сәуірінде жүк борты Қытайдан Польшаға ұшып бара жатқанында жанармайды үстеп құю үшін қонған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!