Джон Траволта мен Оливия Ньютон-Джон басты рөлде ойнаған "Бриолин" фильм-мюзиклінде голливудтық актриса киген былғарыдан жасалған киім Julien's аукционында 405 700 долларға (шамамен 157 817 300 теңге) сатылды, - деп хабарлайды РИА Новости.
Осы киімді 1978 жылы танымал музыкалық комедияның ақтық қойылымында Оливия Ньютон-Джон киген. The Guardian мәліметінше, бастапқы баға 260 мың доллардан (101 140 000 теңге) басталған. Аукцион барысында Оливияның 500-ге жуық киімі қойылған.
"Осы киімдердің барлығын актрисаның өзі берді. Ол осы дүниелерді ұзақ жылдар бойы сақтаған", - деді бәссауда үйінің директоры Мартин Нолан.
Сатылымнан түскен қаражаттың бір бөлігі Аустралияда обырды зерттеу бойынша Оливия Ньютон-Джонның орталығына аударылады.
