Реклама +7(700) 388 81 09
  1. Басты
  2. Біл
  3. Өмір
  4. Бір үзік

Көпқабатты үйден қызды құтқару сәтін түсірген әйелге кәсіпкер ақшалай сыйлық жасады 17 мамыр 2022, 12:54

Сегізінші қабаттан құлай жаздаған үш жасар қызды құтқарып қалған Сәбит пен Сағидың ерлігін видеоға түсірген Бақыт Четеноваға алматылық кәсіпкер
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек
  • Қате таптыңыз ба?

Видеодан алынған скриншоттар Видеодан алынған скриншоттар

Сегізінші қабаттан құлай жаздаған үш жасар қызды құтқарып қалған Сәбит пен Сағидың ерлігін видеоға түсірген Бақыт Четеноваға алматылық кәсіпкер мен айтыскер ақын Сара Тоқтамысова сый жасады, - деп хабарлайды Tengrinews.kz тілшісі.

Бұл туралы Qazaqstan арнасындағы "1001 түн" бағдарламасында айтылды.

Сәбит пен Сағидың қуанышына себепкер болған Бақыт Четенова бірер күн бұрын ұл босанды. Төртінші баланы дүниеге әкелген ол әлі перзентханада жатыр, десе де бағдарламаға телефон арқылы байланысқа шықты. Сол жерде алдымен ақын Сара Тоқтамысова келіншектің "еңбегі зор екенін айтып", оған босанған соң жылы жүрсін деп кәжекей сыйлады.

"Сіздің бұл ісіңіз көпке үлгі болатын жағдай. Себебі, шыны керек, қаншама жағдай болып жатыр. Оның барлығы айтылған жерде қалып жатыр. Ал бұл жерде марапат алып, сол видео арқылы шетелге таралып жатыр. Сондықтан сіздің еңбегіңіз ерен", - деген ақын Бақыт Четеноваға кәжекей сыйлады. 

Ал бағдарлама соңында жүргізушілер Бақыт Четеноваға алматылық кәсіпкер қаржылай сый беретінін айтты.  

Бұған дейін терезеден құлай жаздаған үш жасар қызды құтқару сәтін видеоға түсірген елордалық Бақыт Четенова ешкім алғыс айтпағанын мәлімдеген еді. Оқиға қалай болғанын да баяндап берген. 

Еске салайық, астанада көпқабатты тұрғын үйдің сегізінші қабатынан құлай жаздаған қызды құтқарған қызылордалық Сәбит Шонтақбаев пен Сағи Жылқышиевке Нұр-Сұлтаннан пәтер берілетін болды. Сонымен қатар, екі ер адамға жұмысқа орналасуына және несиесін жабуға көмек беріледі. Оқиға 11 мамырда болған еді.  

Сілтемесіз жаңалық оқисыз ба? Онда Telegram желісінде парақшамызға тіркеліңіз!



Join Telegram