Әлеуметтік желіде Екібастұзда жолда өлі торғайлар жатқан видео пайда болды. Алайда әкімдіктің мәліметі бойынша, торғайлар құс тұмауынан өлмеген, - деп хабарлайды Tengrinews.kz тілшісі қалалық әкімдікке сілтеме жасап.
"Бүгін әлеуметтік желіде Пшембаев көшесіндегі өлі торғайлардың видеосы тарады. Екібастұздың ветеринар дәрігерлері оқиға орнына барып, құстарды көлік қағып кеткенін анықтады. Куәгерлер бар", - дейді әкімдік өкілдері.
Посмотреть эту публикацию в Instagram
Қалалық әкімдік өкілдері Екібастұзда құс тұмауы дерегі тіркелмегенін айтады. Жағдай тұрақты.
"Аурудың алдын алған дұрыс. Екібастұзда құстарды вакцинациялау науқаны басталады. Вакцинацияға өтініштерді Екібастұз қаласының ветеринариялық станциясы қабылдайды", - деп түсіндірді әкімдіктегілер.
Қазақстан жаңалықтары. Соңғы жаңалықтар. Telegram желісінде бізге жазыл!
