7 қазанда Ресей президенті Владимир Путин 63 жасқа толды. Ол туған күнінде Түнгі хоккей лигасының атақты хоккейшілерімен және қатысушыларымен хоккей ойнайды, - деп хабарлайды РИА Новости ел президентінің баспасөз хатшысы Дмитрий Песковқа сілтеме жасап.
"Путин хоккей ойнайды. Ол хоккейді өзінің ескі таныстарымен, атақты ардагер-хоккейшілермен және Түнгі хоккей лигасының қатысушыларымен ойнайды, маусым ертең басталады", - деді Песков.
Путин туған күнін әрдайым жұмыс кестесіне сәйкес өткізеді. Алайда 2014 жылы ол демалыс алып, елдімекендерден алыс орналасқан сібірлік тайгаға аттанды. Кейін Путин ол күні тауда 9 шақырым жолды жүріп өткенін айтты.
Айта кетейік, Путинді туған күнімен бірінші болып құттықтағандардың бірі ресейлік рэпер Тимати болды, ол құттықтау-клипін шығарды. "Лучший друг" әнінің клипі Мәскеудегі Қызыл алаңда түсірілген.