Интернет қолданушылары Facebook әлеуметтік желісіндегі Uzbek MDK парақшасында пайда болған роликті талқылап жатыр. Екі күннің ішінде видеоны 100 мыңнан аса адам көріп, жүздеген пікір жазылған.
Видео Өзбекстан қалаларының бірінде тойда түсірілген. Нақты қайда екені нақтыланбайды. Пікір жазушыларға сенсек, бұл Самарқанд облысында болған оқиға екен.
Кадрлардан қонақтар арасында жанжал шыққаны байқалады. Салтанатқа арналған киім киген әйел дастархан үстінен пышақ алып, өзін сабырға шақырғандарды қорқытады. Даудың немен аяқталғаны белгісіз.
