Ұлыбританиялық ақсақал 81 жасында әйелге айналды

14 Қазан 2014, 23:45

Джеймс Роуз. ©Sunday People

Ұлыбританияда үш баланың әкесі, төрт немеренің атасы Джеймс Роуз жынысын ауыстырған ең егде ағылшын атанды. Ол 81 жасында хирургиялық операция жасатты, - деп жазады Sunday People. Енді Джеймс ақсақал Рут атты әйелге айналды.

Төрт жыл бұрын Джеймс кескіні мен мүсінін әйелге ұқсату үшін гормондық препараттарды қолдана бастады, ал осы жылдың шілде айында еркектік жыныс органдарын алдыртып тастады.

Джеймстің айтуынша, ол әрқашан өзін "бөтен денеде сезінген". "Әйелім болған кезде мен жартылай өмір сүрдім: сыртым ер адам болғанмен, ішім әйел еді. 42 жасымда бойымда тамаша әйел заты жасырынып жатты, бірақ мен әйеліме өз сезімдерім туралы білдірмеуге тырыстым", - дейді қария.