Универсиада финалында жылаған жанкүйер бала Қазнетті тебірентті

09 Ақпан 2017, 15:48
0
Универсиада финалында жылаған жанкүйер бала Қазнетті тебірентті - © Владимир Дмитриев
© Владимир Дмитриев

Алматыда өткен 28-ші Универсиада ойындарында хоккейден Қазақстан-Ресей арасындағы финалдық кездесуді тамашалуға келген кішкентай жанкүйер Қазнетті тебірентті, - деп хабарлайды Tengrinews.kz тілшісі. 

Хоккейден финал кезінде Қазақстан құрамасы ресейліктерге есе жіберген сәтте бала эмоциясын жасыра алмай, көз жасына ерік берген. Айта кетейік, 8 ақпанда "Халық Аренада" алтын медаль үшін талас ойын 1:0 есебімен Ресей хоккейшілерінің пайдасына шешілген болатын. 

Кішкентай баланың суреті әлеуметтік желіде жарияланған. Осы жағдай туралы баланың әкесі толығырақ айтып берді. 

"Осы кездесуде ол Қазақстан құрамасы үшін қатты алаңдады. Біз осыған дейін "Қазақстан - Қытай матчына бардық, онда біздікілер қарсыластарын ірі есеппен жеңді. Осыған дейінгі ойындарда біз Қазақстанның тек жеңісін көрдік. Ол әрине финалда алтын болады деп сенді. Құраманың жеңіліп қалғанына оның көңіл-күйі түсіп кетті", - деді Шухрат Садыров. 

Оның айтуынша, ұлы - Әлішер бірінші сыныпта оқиды. Ол спортпен шұғылданады, коньки мен шаңғы тебеді. Шахматпен әуестенеді екен.  


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай