Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Әлеуметтік желіде Алматы әкімінің жалған аккаунты пайда болды

22 Қазан 2015, 14:53
0
Instagram-дағы © bauirzhan_baibek аккаунтынан алынған скриншот
Instagram-дағы © bauirzhan_baibek аккаунтынан алынған скриншот

Instagram әлеуметтік желісінде Алматы әкімі Бауыржан Байбектің кезекті жалған аккаунты пайда болды, - деп хабарлайды Tengrinews.kz тілшісі.

Қолданушының қазіргі таңда үш мыңнан аса жазылушысы бар және 13 сурет жүктелген. Суреттерде әкім Қазақстан Президентімен, атақты спортшылармен және саясаткерлермен тұр. Айта кетейік, суреттердегі жазбалар ресми стильде құрастырылған. Алайда бұл аккаунт та жалған болып шықты.

"Біз бұл мәселеге қатысты бұған дейін де комментарий бергенбіз. Алматы әкімінің әлеуметтік желілерде аккаунттары жоқ. Бұл осымен екінші рет болып тұр. Instagram желісіндегі бұл аккаунт бір күн бұрын ғана ашылған және баспасөз қызметі әлі ешқандай әрекетті қолға алған жоқ. Алайда біз жазылушыларға ол аккаунттың Алматы әкіміне еш қатысы жоқ екенін хабарлағымыз келеді", - деді әкімдіктің баспасөз қызметіндегілер.

Сонымен қатар, мамандардың айтуынша, мәселе Instagram желісінде "әкімшілікке шағымдану" мүмкіндігінің жоқтығында болып тұр. "Біз бұл фейктің авторына парақшаны жою туралы хабарлама жолдадық. Бірақ ол жауап берген жоқ", - дейді баспасөз қызметіндегілер.

Айта кетейік, бұған дейін де әлеуметтік желіде Бауыржан Байбектің парақшасы пайда болды, бірақ баспасөз қызметі әкімнің әлеуметтік желілерде аккаунттарының жоқ екенін мәлімдеді.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай