+7 (777) 001 44 99
Қазақша
Русский
English
03 сәуір 2018 14:23
Криштиану Роналдуға қазақ шапанын кім тікті?
Әйгілі ойыншы Криштиану Роналдуға арнайы тігілген дизайнерлік киім туралы "Нұр-Шах" сән үйінің директоры Нұржамал Нұрпейісова айтып берді, - деп хабарлайды "Лада".
ПОДЕЛИТЬСЯ
Әйгілі ойыншы Криштиану Роналдуға арнайы тігілген дизайнерлік киім туралы "Нұр-Шах" сән үйінің директоры Нұржамал Нұрпейісова айтып берді, - деп хабарлайды "Лада".
Ол эксклюзив қазақи шапанды аз уақытта тігіп шыққанын айтады. "Реал Мадрид" клубының шабуылшысына бұл шапанды қазақстандық компаниялардың бірі тарту еткен.
Нұржамал Нұрпейісова. Lada.kz
"Шапанды Нұр-Шах" сән үйінің қызметкерлері тікті. Ол велюрден жасалды, себебі оған өрнектер әдемі салынады. Тапсырыс берушілердің басты сұранысы шапан ұзартылған сюртук тектес, ұлыбританиялық жаға, қалта, қазақтың ою-өрнегі мен күн сәулесінің астындағы бүркіт самғап тұруы тиіс болды. Бұл дербес әрі қайталанбас тапсырыс болды", - дейді Нұржамал Нұрпейісова.
Lada.kz
Сонымен қатар, оның бөркі де бар.
"Біз шапанды спортшылар үшін және басқа елден келген қонақтар үшін тіктік. Менің арманым бар - біздің чемпион Геннадий Головкинге шапан тігіп бергім келеді. Алайда Криштиану Роналдуға шапан тігеміз деп еш ойламаппын! Мен оның барлық жетістікке өзі жеткені үшін тәнтімін, оны қатты құрметтеймін. Оның өзіне және командасына жанкүйермін", - деді Нұржамал Нұрпейісова.
Наурызда "Реал Мадрид" шабуылшысы Криштиану Роналдуға қазақи шапан сыйлағаны хабарланды. Видео Instagram желісінде жарияланды.
Показать комментарии
Читайте также
