03 наурыз 2019 11:43

Қызылордада ең сұлу бұрымды қыз таңдалды

ПОДЕЛИТЬСЯ

Қызылордада қыздар арасында жыл сайынғы "Бұрымды ару - 2019" байқауы өтті. Биылғы шара жастар жылы аясында ұйымдастырылды, - деп хабарлайды Tengrinews.kz тілшісі. 


Қызылордада қыздар арасында жыл сайынғы "Бұрымды ару - 2019" байқауы өтті. Биылғы шара жастар жылы аясында ұйымдастырылды, - деп хабарлайды Tengrinews.kz тілшісі. 

Жарысқа қаланың оқу орындарынан 10 ару қатысты. Студент қыздар қолаң шаштары мен өз өнерлерін көрсетіп, қолынан қандай іс келетінін паш етті. "Ұзын бұрым - қыз сұлулығы". Байқаудың барлық қатысушылары осылай деп санайды.

Жарыс бірнеше кезеңнен тұрды. Жас қыздар сайыстың әр кезеңінде креатив көрсете білді. Олар видеоролик дайындап, ән айтып, би биледі. Атақты шығармалардан көріністер көрсетілді. Қатысушыларды жанкүйерлер қолдады.

Қатысушылар ұлттық салт-дәстүрлерді қалай ұстанатынын көрсетті. Әр түрлі шаш өру тәсілдерін көрсетіп, шаш күтімі құпиялары туралы айтты. Байқаудың ұйымдастырушылары қыздардың дайындығын жоғары деңгейде бағалады.

"Мен Мәншүк Мәметова атындағы гуманитарлық колледжде оқимын. Бала кезінен шашымды мұқият күттім. Анам әрқашан ұзын бұрым кез келген қызды әдемі етіп көрсететінін айтып отыратын. Бұл байқауға қатысқаныма өте қуаныштымын. Қатысушылардың бұрымдары түрлі, өте әдемі. Өзім осы байқауға ұзақ дайындалдым, лайықты өнер көрсетуге тырысамын", - деді байқаудың Гран-при иегері Ақмаржан Орман.


"Бұрымды ару - 2019" байқауының жеңімпазы Акмаржан Орман

"Бұл байқаудың танымал болғанына біз өте қуаныштымыз. Биыл біз оны үшінші рет өткізіп жатырмыз. Ол дәстүрлі болып барады. Бүгінде барлық нәзік жандылар бұрымды болуды армандаймайды. Алайда, біз ұзын бұрым - нағыз сұлулықтың символы екенін көрсеткіміз келеді. Мен Қызылорда әкімдігіне қолдау көрсеткені үшін ризамын. Сондай-ақ біздің демеушіміз - "Петро Қазақстан Құмкөл Ресорсиз" мұнай компаниясына ризашылығымды білдіргім келеді", - деді қалалық мәдениет және тілдерді дамыту бөлімінің басшысы Алмасбек Есмаханов.

Байқау соңында барлық жеңімпаздар мен қатысушылар алғыс хаттармен және бағалы сыйлықтармен марапатталды.


"Бұрымды ару - 2019" байқауының қатысушылары

Читайте также
Join Telegram

Валюта бағамы

 448.12   483   4.85 

 

Ауа райы

 

Редакция Жарнама
Социальные сети