Қазасқтанның бірінші ракеткасы Юлия Путинцева Бейжіңдегі турнирдің екінші айналымына өтті. Бұл жарыстың жүлде қоры - 7,4 миллион доллар, - деп хабарлайды Vesti.kz.
Бірінші айналымда Путинцева ресейлік Анна Блинковамен кездесіп, 6:0, 6:1 есебімен ойсырата жеңді. Кездесу бір сағат он минутқа созылды.
Айта кетейік, 24 жастағы Путинцева әлемнің 38-ші ракеткасы, ал 21 жастағы ресейлік қыз WTA рейтингінде 66-шы орында. Бұрындары қос қарсылас кездеспеген.
Путинцеваның келесі қарсыласы - әлемнің бірінші ракеткасы австралиялық Эшли Барти. Бұл оның Бейжіңдегі осы турнирдегі бірінші ойыны.
