+7 (777) 001 44 99
Қазақша
Русский
English
Қазақша
Русский
English
Жамбыл облысында әскери нысандағы жарылыстар салдарынан қаза болған өрт сөндіру бөлімі басшысының артында төрт баласы қалды, - деп хабарлайды Tengrinews.kz тілшісі Aibat жаңалықтар қызметіне сілтеме жасап.
Aibat мәліметінше, Еркін Нәдірбеков 42 жаста болған. Ер адамның төрт баласы бар. Ең кішкентайы әлі бір жасқа толмаған.
Жақындарының айтуынша, әскери бөлімде жарылыс болған кезде Еркін Нәдірбеков өрт сөндіру командасын бастап, бірден оқиға орнына барған.
"Ол өрт сөндіру тобын басқарды. Бұл оның тікелей міндеті болды. Мешінбай өрт сөндіруші-жүргізуші болған. Олардың басқа амалы болмады. Егер олар оны жоймаса, онда қалған қоймаларда (оқ-дәрілермен) өрт шығуы мүмкін еді. Онда жағдай бұдан да қиын болар еді. Мұны тіпті елестету мүмкін емес", - деп бөлісті марқұм Еркін Нәдірбековтің әпкесі.
Жарылыстар тоқтағаннан кейін туыстары Еркінді іздей бастаған. Бүгін таңертең Нәдірбековтің отбасына ол қызметтік міндетін орындау кезінде қаза болғаны туралы хабар келді.
Туыстары Еркінге батыр атағы беріледі деп үміттенеді.
Посмотреть эту публикацию в Instagram
Бұған дейін Жамбыл облысындағы жарылыстардан қаза тапқандар саны 9-ға жеткені айтылған болатын. 27 тамыз күнгі сағат 8.00-дегі жағдай бойынша, ауруханаларда 28 науқас бар, оның алтауы ауыр халде жатыр.
Еске салайық, Жамбыл облысы Байзақ ауданында орналасқан әскери бөлімде сағат 19.00 шамасында қоймалардың бірінің жанында өрт шыққан. Өрт салдарынан анықталмаған заттар жарылған. Жақын маңдағы тұрғындар эвакуацияланғаны анықталды.
Бұған дейін Жамбыл облысында әскери қойма жарылысынан зардап шеккендер саны 66-ға жеткені хабарланған болатын. Кейін әскери қоймаларда не сақталғаны белгілі болды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
