14 жастағы дзюдошы ІІМ курсантына жеңісті бермегені үшін өлтірілген

Түрікменстанда 14 жастағы дзюдошы Сүлейман Тұрсынбаев Түрікменстан Ішкі істер министрлігі жоғары оқу орнының курсантынан жарыста жеңілуден бас тартқаннан кейін қаза тапты, - деп хабарлайды Tengrinews.kz тілшісі Turkmen.news басылымына сілтеме жасап.

Қайғылы оқиға ақпан айының басында Ахал облысының Бахарден ауданындағы турнирде болды. Ақтық жекпе-жекте Сүлейманға жеңілу керегі айтылған, бірақ ол жеңілуден бас тартып, чемпион болған.

Жарыс аяқталғаннан кейін бірден спортпен шұғылданатын белгісіз жас жігіттер Сүлейманның бапкерін аяусыз ұрған. Ал жеңімпаз жас жігітті алып кеткен және оны да қатты соққыға жығып, қалдырып кеткен.

Басылымның мәліметінше, баланың жатқан жерінен кездейсоқ өткен адамдар оны көріп, жедел жәрдем шақырған. Жас жігітті Ашхабадтағы ауруханалардың біріне апарады, бірақ дәрігерлер Сүлейманға көмек көрсетуден бас тартады. Оны тұрғылықты жеріндегі ауруханаға, яғни 500 шақырым алыс Дашогуз велаятының Көнеүргенч этрабына апаруға кеңес береді. Спортшы елордадан аудандық ауруханаға жеткізіледі, бірақ бірнеше күннен кейін қайтыс болады.

Қайғыға батқан ата-анасы Зияда Ходжакова мен Матьякуб Тұрсынбаев Түрікменстан президенті Гурбангулы Бердімұхамедовқа үндеу жолдады.

"Біздің ұлымызды бір топ адам ұрды, оған қол тигізу мүмкін емес еді, ол бүкіл денесі ауырғанын айтты. Олар оның бауырын езіп жіберді, оның бас сүйегін жарған", - дейді Сүлейменнің ата-анасы. 

Сүлейман әлі тірі болған кезде ауруханада түсірілген қысқа видеода аурухана төсегі қанға толы екені көрінеді.

"Біздің ұлымыз Америкада Түрікменстанның туын көтеріп, чемпион болуды армандады, ол Түрікменстан президентінің өзі қолын алатынын айтатын. Мен кінәлілерді заңның барлық қатаңдығы бойынша әділ жазалауды талап етемін!" - дейді Сүлейманнің анасы.

Сүлейман Тұрсынбаев туралы материал жарияланғаннан кейін Turkmen.news редакциясы жас жігіттің қарсыласы Мемлекет басшысының ұлы Сердар Бердімұхамедовтың әйелінің туысы екені туралы жасырын хабарлама алған.

"Біз бұл ақпаратты растай немесе жоққа шығара алмаймыз. Дәл сол дереккөз прокуратураға кісі өлтіруді тергемеу туралы нұсқау берілгенін айтты. Сүлейман сәтсіз құлап, айтарлықтай ауыр жарақат алған жоқ деген сыңайда істі жабуды талап еткен", - деп жазады басылым.

Жұма, 19 ақпанда АҚШ-та тұратын Түрікменстан азаматтарының бір тобы 14 жастағы дзюдошының аяусыз өліміне байланысты БҰҰ-ның Нью-Йорктегі штаб-пәтерінің алдында пикет өткізуді жоспарлап отыр.

Пикетті ұйымдастырушы Ольга Чарыева отандастарымен бірге Түрікменстан билігінен осы қорқынышты кісі өліміне байланысты объектив тергеуді және кінәлілерді әділ соттауды талап ететінін айтты.

"Біз бұл қылмысты, әдеттегідей, кездейсоқ адамға қысым мен қауіп-қатер астында іліп қоюды қаламаймыз. Біз Сүлейманның қарсыласы кім екенін, оның жасөспірімді аяусыз ұрып-соққандарға қандай қатысы бар екенін білуді талап етеміз", - деді ол.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!