АҚШ генералы Кабул әуежайындағы жарылыстың жай-жапсарын айтты

АҚШ Орталық қолбасшылығының бастығы генерал Фрэнк Маккензи брифинг өткізіп, Кабул халықаралық әуежайында болған жарылыстың жай-жапсарын айтты, - деп хабарлайды Tengrinews.kz тілшісі Reuters-ке сілтеме жасап.

Генералдың айтуынша, екі жанкешті әуежай қақпасы маңындағы тұрғындар және әскери топқа шабуыл жасаған, кейін басқа содырлар оқ жаудырған.

АҚШ жарылыстың артында кім тұрғанын тексеріп, "кінәлілерді жазалауға" ниетті. "Талибан" қозғалысына қарсы ДАИШ тобы (Қазақстанда террористік ұйым ретінде тыйым салынған) жауапкершілікті өз мойнына алды.

Two Blast Near #Kabul_Airport . more than 16 people's died and 30+ people wounded.#Blast21 #Blast #explosion #Afganistan #Taliban #Talibans #KabulAiport #Kabul pic.twitter.com/DMeWsykGvn

— Raj Saha (@rajsahaofficial) August 26, 2021

Маккензи ауған шенеуніктері мәліметіне сүйене отырып, жарылыстан 60-тан аса адам қаза тапқанын, 140 адам жараланғанын айтты.

Генерал америкалық әскер әуежайды одан әрі бақылау үшін тәліптермен тығыз байланыста екенін, себебі алда тағы жарылыс болуы мүмкін деген болжам барын айтты.

"Біз бәріне дайын болу үшін, бар күшімізді салып жатырмыз", - деп, ол тәліптер қақпа сыртындағы қауіпсіздікті бақылап тұрғанын, осыған дейін бірнеше шабуылдардың алдын алғанын айтты.

Барлаушылар автокөлікте өзін жарып жіберетіндер мен ракеталық шабуылдар болуы мүмкін екенін айтқан. Содырлардың ұшып бара жатқан ұшақтарға оқ атқаны туралы деректер де бар, бірақ әлі ешқандай қауіп жоқ. АҚШ әскері оларда портативті зениттік-зымыран кешендері жоқ екеніне сенімді.

Пентагон әуежайдың қауіпсіздігін қамтамасыз ету үшін қосымша әскер қажет емес, бақылауда тұрған мыңдаған жауынгер жеткілікті деп санайды. Оларға айналадағы жағдайды бақылау үшін дрондар мен басқа әуе жүйелері көмектеседі.

JUST IN: Explosion outside Kabul airport, casualties unclear, two officials tell @Reuters pic.twitter.com/C7Esu1Bn6H

— Reuters (@Reuters) August 26, 2021

Генералдың айтуынша, қазір Ауғанстанда эвакуацияға мұқтаж 1000-ға жуық америкалық бар. Әуежайдың өзінде 5 мың адам ұшуды күтіп отыр. Бүгінде елден 104 мың бейбіт тұрғын шығарылды, оның ішінде 66 мыңы америкалық күштің, 37 мыңы НАТО одақтастарының көмегімен.

АҚШ Орталық қолбасшылығының өкілі шабуылда жараланған 18 сарбаз "хирургиялық бөлімшелері бар арнайы жабдықталған С-17 ұшақтарымен Ауғанстаннан шығарылатынын" айтты.

GRAPHIC video of Kabul airport explosion. World needs to watch this pic.twitter.com/W1QbM0CZ39

— Ahmad Mukhtar (@AhMukhtar) August 26, 2021

"Талибан" өкілі жарылыс салдарынан өздерінен кемінде 28 қарулы топ мүшесі қаза болғанын хабарлады. "Әуежайдағы жарылыстан америкалықтарға қарағанда біз көп адам жоғалттық", - деді ол және "шетелдік үкімет дайындаған бейберекет эвакуация жоспары үшін тәліптер жауап бермейді" деді.

Генерал АҚШ қауіп-қатерге қарамастан эвакуацияны жалғастыратынын баса айтты.

Байден Кабул әуежайындағы жарылыстан АҚШ-тың 12 әскері қаза тапқаннан кейін мәлімдеме жасады. Wall Street Journal басылымы Ауғанстан Денсаулық сақтау министрлігінің жоғары лауазымды тұлғасына сілтеме жасап, Кабул әуежайындағы жарылыстардан зардап шеккендердің жалпы саны, оның ішінде АҚШ әскери күштерінің өлімі 100-ден асқанын айтты.

Сілтемесіз жаңалық оқисыз ба? Онда Telegram желісінде парақшамызға тіркеліңіз!