АҚШ Қарулы күштері Иранның портты қаласы Бендер-Аббастағы әскери нысанға соққы жасады, деп хабарлайды Tengrinews.kz.
Axios журналисінің мәліметінше, Иран америкалық сауда кемесіне қарата төрт дрон ұшырған. АҚШ әскерилері дрондарды атып түсіріп, жердегі тағы бір ирандық дрон ұшыру қондырғысына ол іске қосылмай тұрып соққы жасаған.
🚨АҚШ-тың жоғары лауазымды шенеунігі Иранның америкалық сауда кемесіне қарата 4 камикадзе-дрон ұшырғанын мәлімдеді. АҚШ әскерилері дрондарды атып түсіріп, жердегі тағы бір ирандық дрон ұшыру қондырғысына ол іске қосылмай тұрып соққы жасады, деп толықтырды шенеунік
— Барак Равид (@BarakRavid) 2026 жылғы 27 мамыр
Өз кезегінде Иранның Irib агенттігі Ислам революциясы сақшылар корпусының (ИРСК) мәлімдемесін таратты. Онда Бендер-Аббас әуежайы маңындағы нысанға жасалған шабуылдан кейін америкалық әуе базасына соққы берілгені айтылған. ИРСК мәліметінше, соққы жергілікті уақыт бойынша сағат 04:50-де жасалған.
Бұған дейін Иран президенті Масуд Пезешкиан АҚШ пен Израиль әскери мақсаттарына жете алмай, "экономикалық соғысқа" және мемлекеттің ішкі тұрақтылығын шайқалту әрекеттеріне көшкенін мәлімдеді.
Тағы оқыңыз: Трамп Ормуз бұғазына қатысты мәлімдеме жасады
