АҚШ Орталық қолбасшылығы (CENTCOM) америкалық әскерилер Иранға бет алған мұнай танкерін істен шығарғанын мәлімдеді, деп хабарлайды Tengrinews.kz.
Тиісті мәлімдемені CENTCOM Х әлеуметтік желісінде жариялады.
"АҚШ Қарулы күштері 15 шілдеде Парсы шығанағындағы Иран портына бет алмақ болған жүксіз мұнай танкерін істен шығару арқылы Иранға қарсы теңіз блокадасы режимінің сақталуын қамтамасыз етті", - деп хабарлады қолбасшылық.
CENTCOM күштері халықаралық су айдынында Харк аралына қарай бағыт алған Кюрасао туы астындағы M/T Belma танкерін анықтағаны нақтыланды.
"Коммерциялық кеме АҚШ орнатқан теңіз блокадасын бұзуға әрекеттеніп, бірнеше ескертуді елеусіз қалдырды. Америкалық ұшақ кеменің түтін мұржасына Hellfire зымырандарын атып, оны істен шығарды. Кеме енді Иран жаққа қарай қозғалып жатқан жоқ", - делінген пресс-релизде.
— АҚШ Орталық қолбасшылығы (@CENTCOM) July 15, 2026
АҚШ Қарулы күштері 14 шілдеде Иран порттары мен жағалау аймақтарына баратын немесе одан шығатын кемелерге теңіз блокадасын қайта бастады. Алғашқы тәулікте әскерилер америкалық тараптың талаптарын орындаған екі коммерциялық кеменің бағытын өзгертті.
Орталық қолбасшылық Иранға қарсы тәулік ішіндегі екінші соққылар толқынын аяқтағанын хабарлады. АҚШ Иранның командалық орталықтарына, әуе шабуылына қарсы қорғаныс нысандарына, зымыран және ұшқышсыз ұшу аппараттарына шабуыл жасады.
Бірнеше аудандағы, соның ішінде Бендер-Аббастағы нысандарды жою үшін CENTCOM жоғары дәлдікті қару қолданды.
— АҚШ Орталық қолбасшылығы (@CENTCOM) 16 шілде, 2026 жыл
Бірнеше сағат бұрын америкалық әскерилер 90 минуттық соққылар сериясы барысында Үлкен Томб аралындағы жағалау қорғанысы нысандары мен қанатты зымыран позицияларына шабуыл жасаған болатын.
Еске сала кетейік, Америка Құрама Штаттары мен Иран арасындағы ахуал бес күннен бері өршіп тұр.