1. Басты
  2. Біл
  3. Жаңалықтар
  4. Жаһан

АҚШ-тың Ирактағы әскери базасына соққы жасалды13 қаңтар 2020, 09:03

© REUTERS © REUTERS

Ирактың солтүстігінде орналасқан әскери-әуе күштерінің "Балад" базасына соққы жасалды. Мұнда америкалық әскерилер тұрып жатқан, - деп хабарлайды REUTERS.

Ирак әскерилерінің мәліметінше, жексенбіде базаға "Катюша" қондырғыларынан сегіз снаряд түскен. Олардың жетеуі ұшу-қону жолағына түскен. Ирактық төрт сарбаз, оның ішінде екі офицер жарақат алған. 

АҚШ Орталық қолбасшылығының өкілі АҚШ персоналының зардап шекпегенін хабарлады. Шабуылды кім жасағаны әзірше белгісіз.

Еске салайық, 8 қаңтарда Иран АҚШ-тың Ирактағы әскери базасына зымыран соққыларын жасаған. Олар бұл әрекетін "Әл-Кудс" арнайы бөлімшесінің қолбасшысы генерал Касем Сулейменидің көзін жоюға берілген жауап деп түсіндірген.

Иран мен АҚШ қақтығысын әлем басылымдары қалай жазып жатыр?