1. Басты
  2. Біл
  3. Жаңалықтар
  4. Жаһан

Автобус апаты: Забайкалье губернаторы аза тұту күнін жариялады

© "Подъем" Telegram-арнасы © "Подъем" Telegram-арнасы

Ресейде көпірден құлап түскен автобустан зардап шеккен жолаушылар тиісті медициналық көмек алып жатыр, - деп хабарлайды РИА Новости

Чита - Сретенск бағытындағы автобус 1 желтоқсанда көпірден құлап түскен. Оқиға салдарынан 19 адам көз жұмып, 21 жолаушы түрлі жарақат алған. Забайкалье аймағының губернаторы 2 желтоқсан - аза тұту күні деп жариялады.

Жол-көлік оқиғасынан зардап шеккен 6 адам Читадағы клиникалық ауруханаға жеткізілді. Оның төртеуі жансақтау бөлімінде жатыр. 

Ресейде жолаушылар автобусы көпірден құлады: Қаза тапқандардың саны артты

Сонымен қатар, дәрігерлер аяғы ауыр келіншектің баласын құтқарып қалған. Ал Шилкинский ауданына жеті адам жеткізілген. Оның екеуі ауыр халде жатыр. 

Забайкальедегі апатқа байланысты Ресей премьер-министрі Дмитрий Медведев, вице-премьер Татьяна Голикова, бірнеше облыстардың губернаторы, сондай-ақ Еуропа Кеңесі, Әзірбайжан мен Катар билігі көңіл айтты.


© "Подъем" Telegram-арнасы