Ресейде жолаушылар автобусы көпірден құлады. Бүгінде қаза тапқандардың саны 19-ға жетті, - деп хабарлайды РИА Новости.
Оқиға салдарынан тағы 21 адам түрлі жарақат алған.
РФ Жол полициясының мәліметінше, оқиға 1 желтоқсанда Забайкалье аймағынан 60 шақырым жерде орналасқан Могойтуй - Сретинск - Олочи автожолында болған. Сретинск - Чита бағытындағы автобус жүргізушісі 43 жолаушыны алып келе жатқан.
"Алдыңғы дөңгелек сынып қалғаннан кейін қозғалыс бағытындағы автобус оңға қарай шығып, содан кейін Куэнга өзеніне аударылып кеткен", - делінген хабарламада.
Төтенше қызмет өкілінің айтуынша, қазіргі уақытта көз жұмғандардың саны 18-ге жеткен. Тағы алтауы ауруханаға жеткізілген.
Оқиға орнына аймақ губернаторы Александр Осипов шықты, апат бойынша қылмыстық іс қозғалды.
© "Подъем" Telegram-арнасы
