Билл Гейтс коронавирус жұқтырғанын хабарлады 11 мамыр 2022, 08:42
Microsoft компаниясының негізін қалаған миллиардер Билл Гейтс коронавирус жұқтырды, - деп хабарлайды Tengrinews.kz тілшісі. Бұл туралы ол Тwitter-де жазды.
Билл Гейтс сынақта COVID-19 анықталғанын және симптомдары туралы жазды.
"Симптомдар жеңіл, оқшауланып, сауығып кеткенше сарапшылардың пікіріне құлақ асамын", - делінген жарияланымда.
I've tested positive for COVID. I'm experiencing mild symptoms and am following the experts' advice by isolating until I'm healthy again.
— Bill Gates (@BillGates) May 10, 2022
Сондай-ақ, Гейтс толықтай екпе алғанын, тестілеуге рұқсаты барын және тамаша медициналық қызмет алып жатқанын хабарлады.
Миллиардер өзі құрған Gates Foundation қоры әлемді жаңа пандемиялардың қаупінен сақтау үшін серіктестерімен бірге жұмысын жалғастыра беретінін мәлімдеді.
Мұның алдында Билл Гейтс коронавирустың ең "жаман" штамы пайда болуы мүмкін екенін ескерткен. Ол келесі пандемияның алдын алу туралы кітабын да шығарған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!