БҰҰ Бас хатшысы Антониу Гутерриш жаңа COVID-19 "омикрон" штамының таралуына байланысты қойылған жаңа саяхат шектеулерін "әділетсіз" деп атады, - деп хабарлайды Tengrinews.kz тілшісі Reuters агенттігіне сілтеме жасап.
Гутерриштің айтуынша, саяхат пен экономикалық ынтымақтастыққа мүмкіндік бере отырып, вирустың таралу қаупін азайтудың жалғыз жолы - саяхатшыларды толығымен вакцинациялау.
"Бізде қауіпсіз сапарларға арналған барлық құралдар бар. Бұған жол бермеу үшін осы құралдарды қолданайық", - деді Гуттериш.
Біріккен Ұлттар Ұйымының басшысы COVID-19 жаңа штамының шығуына байланысты сапарларға тыйым салу "әділетсіз ғана емес, сонымен қатар тиімсіз" екенін айтты.
Бұған дейін ДДҰ COVID-19 жаңа штамына байланысты шұғыл кеңес ұйымдастырған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
