Донецкідегі тәртіпсіздік: жаппай төбелесті бастаушылар қолға түсті

14 Наурыз 2014, 15:55
0
Донецкідегі тәртіпсіздік: жаппай төбелесті бастаушылар қолға түсті - Арсен Аваков, Украина Ішкі істер министрі міндетін атқарушы. ©REUTERS
Арсен Аваков, Украина Ішкі істер министрі міндетін атқарушы. ©REUTERS
Донецкідегі тәртіпсіздік: Украиналық милиция жанжал шығарушыларды қолға түсіре бастады, деп хабарлайды РИА Новости. Бұл туралы ішкі істер министрі қызметін уақытша атқарушы Арсен Аваков өзінің Facebook-тегі жеке парақшасында мәлім еткен.

"Донецк қаласында митингтен кейінгі жаппай төбелесте жанжал шығарушылар мен бірінші ұйымдастырушылардың төртеуі түнде анықталып, қолға түсті. Тергеу әрекеттері жүргізілуде", - деп жазады Аваков. Бейсенбі күні Донецкідегі орталық алаңда бір мезетте екі акция болып өтті. Бірі - ресейлік, ал екінші акцияның аты "Біртұтас Украина үшін" деп аталды. Донецкідегі тәртіпсіздік митинг біткеннен кейін бірден басталып кеткен. Донецк облыстық әкімшілігінің хабарлауынша, қақтығыстың салдарынан бір адам қаза тауып, 17-сі жараланған.

Украиналық БАҚ құралдарының мәліметінше, Донецкідегі тәртіпсіздік украиналық белсенділер Ресейдің агрессивті саясатына және Украинаның жікке бөлінуіне қарсы өздерінің наразылықтарын білдіру үшін көшеге шыққан кезінде басталған. Еске сала кетейік, 22-ақпанда Украинада билік ауысты. Виктор Янукович биліктен шеттетілді. Рада Конституцияны өзгертіп, Мемлекет басшысы қызметін уақытша атқару Жоғарғы Рада төрағасы Александр Турчиновке жүктелді және сайлауды 25 мамырға белгіледі. Кейін Янукович өзінің өміріне қауіп төнген соң Украинаны тастап кетуге мәжбүр болғанын, өзін әлі де елдің "заңды президенті" деп санайтынын хабарлады.

  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай