Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.08
EUR / KZT - 391.50
CNY / KZT - 50.00
RUB / KZT - 5.64

Ердоған: Мұсылмандар Америкада Колумбтан 300 жыл бұрын болған

16 Қараша 2014, 11:07
0

Түркия Президенті Реджеп Тайип Ердоған мұсылмандар Американы Христофор Колумбтан 300 жыл бұрын ашқан деп мәлімдеме жасады. Бұл жөнінде BBC News хабарлап отыр.

Латын Америкасындағы мұсылман діні басшыларының саммитінде Ердоған теңіз саяхатшысы Колумбтың күнделігіндегі жазбаларды көлденең тартқан. Онда Кубадағы дөң басындағы мешіт жайлы жазылған. Түрік көшбасшысының айтуынша, мұсылман теңізшілері Америкаға 1178 жылы барған. Эрдоган дәл сол жерге мешіт салуға дайын екендігін атап өткен.

Жалпы, Колумб 1492 жылы Үндістанға жаңа жол іздемек болған әрекеті кезінде Американы ашқан болып саналады. Алайда 1996 жылы тарихшы Юсеф Мруэ мақала жариялап, онда Колумбтің күнделігіндегі жазба мұсылмандардың Американы бірінші болып ашқандығының және "Исламның кеңінен тарағандығының" дәлелі екендігін мәлімдеген болатын. Ал кейбір тарихшылар Колумб өз күнделігінде "таудағы мешіт" деген сөздерді таудың мешітке ұқсайтындығын бейнелеу үшін ауыспалы мағынада қолданды деп санайды. Сонымен қатар, мұсылмандардың Колумбқа дейін Америкада болғандықтарын білдіретін ешқандай дәлелдер жоқтығын алға тартады.

Тарихи тұрғыда Солтүстік және Оңтүстік Америкаға жеткен алғашқы адамдар Азиядан болған. Олар Беринг бұғазын шамамен 15 мың жыл бұрын кесіп өткен деп саналады. Америкаға алғаш жеткен еуропалықтар Скандинавия теңізшілері екен, олар бұл құрлыққа Колумбтан 500 жыл бұрын барып қайтқан.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай