Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Франциядағы теракт: Күдікті фабрикаға бауыздалған денені алып келді

26 Маусым 2015, 16:15
0
©Global Look Press
©Global Look Press

Францияның Изер департаментінде орналасқан өндіріс кәсіпорнының аймағында жарылыс болды, - деп хабарлайды РИА Новости жергілікті ақпарат құралдарына сілтеме жасап. Жарылыстан бір адам қаза тауып, бірнеше адам жарақат алды. Кәсіпорынға шабуыл жасаған күдіктінің ұсталғаны хабарланды.

Ақпарат құралдарының мәліметінше, кәсіпорын территориясына лаңкес автомобильмен кіріп барған. Ер адам көлігін фабрика территориясында тұрған газды баллондарға қарай бұрған, бұдан кейін жарылыс болған. Оқиға маңында исламшылардың туы мен бауыздалған адамның денесі табылды. Ресми емес деректер бойынша, оқиғадан кейін тағы да осыған ұқсас оқиғалар болуы мүмкін. Оқиға орнына жергілікті прокурор келіп үлгерді. Франция ІІМ басшысы Бернар Казневтің келейін деп жатқаны белгілі болды. Франциядағы жарылысты ел прокуратурасының антитеррорлық басқармасы тергейді.

Осыған дейін 2015 жылдың қаңтарында Францияның шығысындағы Вильфранш-сюр-Со қаласының мешіті тұрған маңда орналасқан кебаб-мейрамханасында жарылыс болды. Жергілікті билік өкілдерінің біріне сілтеме жасаған БАҚ мәліметінше, болған оқиға криминалдық мәнге ие. Айта кетейік, бұл лаңкестік Парижде Charlie Hebdo редакциясының қызметкерлеріне жасалған шабуылдан кейін бір күн өткенде болды.

 

Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай