Гонконгта митинг кезінде қазақстандық студент ұсталды

21 Қараша, 09:53
0
Гонконгта митинг кезінде қазақстандық студент ұсталды - © REUTERS
© REUTERS

Гонконгта наразылық шарасы кезінде қазақстандық 1-курс студенті Абилькаир Нукпи ұсталды, - деп хабарлайды Tengrinews.kz тілшісі Сыртқы істер министрлігінің баспасөз қызметіне сілтеме жасап.

"Гонконг қалалық полицияның мәліметінше, қазақстандық студент 18 қарашада ереуіл кезінде ұсталған, ол Баптист университетінің 1-курс студенті Абилькаир Нукпи", - делінген хабарламада.

Ведомство мәліметінше, қазақстандықтың жағдайы дұрыс, тек оң қолын жарақаттап алған. Ешқандай шағымы жоқ дейді.

"Бүгін студентке қатысты іс бойынша алдын ала сот тыңдалымы өтті. Қазргі уақытта біздің бас консулдық осы істі ерекше бақылауға алды. Соңғы күнде Гонконгта 4 мыңнан аса адам ұсталды", - деді министрліктің баспасөз қызметіндегілер.

Осыған байланысты СІМ өкілдері Гонконгта оқып жатқан студенттерге Қазақстанға қайтуға кеңес береді.

Еске салайық, мұның алдында митинг салдарынан қазақтандық студенттердің Гонконгтан кетіп жатқаны хабарланған болатын. "Гонконгтағы наразылық шараларының ушығуына, соның ішінде университеттер аумағы мен іргелес жатқан аудандарда жағдайдың шиеленісуіне байланысты бірқатар жоғары оқу орны, оның ішінде қазақстандық студенттер оқитын университеттерде екінші семестрге дейін сабақтарды тоқтату немесе қашықтан оқытуға көшу туралы шешім қабылданды. Бұл - 2020 жылдың қаңтар айы", - деген еді СІМ ресми өкілі Айбек Смадияров.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай