Индонезиядағы әуе апаты: Құтқарушылар қаза болғандар мен ұшақ бөлшектерін теңізден алып шығып жатыр

30 Қазан 2018, 16:44
0
Индонезиядағы әуе апаты: Құтқарушылар қаза болғандар мен ұшақ бөлшектерін теңізден алып шығып жатыр - © avianews.info
© avianews.info

Индонезия полициясы Lion Air әуекомпаниясының ұшағы құлаған жерде табылған адамдардың дене мүшелеріне ДНҚ-сараптама жасауды бастады, - деп хабарлайды  РИА Новости.

Осыған дейін құтқарушылар апатқа ұшыраған Boeing-737 MAX ұшағының 10 жолаушысының денесін тапқаны туралы хабарланды. 


© REUTERS

Сонымен қатар, сүңгуірлер адам мүшелері бар 14 қапты судан алып шықты. Олар ДНҚ-сараптамаға жіберілді. 


© REUTERS

Басылым мәліметінше, 152 адамның ДНҚ-сы алынған. Полиция басшысының орынбасары Ари Доно Сукамтоның айтуынша, кемінде 15 сарапшы-криминалист және ДНҚ сарапшылары жұмыс істеп жатыр екен. Іздеу шаралары жалғасуда. 


© REUTERS

Джакарта әуежайынан ұшып шыққан Lion Air әуе компаниясының Boeing 737 жолаушылар ұшағы апатқа ұшырады.

"Ұшақ ұшып шыққаннан кейін он минут өткенде радардан жоғалып кеткен", - деп жазды Straits Times басылымы.

Индонезия жағалауына құлаған Lion Air ұшағының бортында елдің Қаржы министрлігінің 20 шенеунігі болған.

Сондай-ақ, қаза тапқан бір адамның табылғаны хабарланып отыр. Өз кезегінде ТЖ жөніндегі Ұлттық агенттік өкілдері апаттан ешкімнің де аман қалмағанын хабарлады.

Lion Air бюджеттік әуе компаниясының Boeing 737 MAX лайнері Джакартадан Суматра аралына жергілікті уақыт бойынша сағат 06.20-да (Астана уақытымен сағат 05.20-да) ұшып шығып, 06.33-те (Астана уақыты бойынша сағат 05.33-те) жоғалып кеткен. Батыс Яваның жағалауындағы теңізде ұшақ қалдықтары жатқаны туралы алғашқы хабарлама теңізшілерден сағат 06.45-те (Астана уақытымен 05.45-те) келіп түскен. 

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай