Иранның Ислам революциясы күзетіндегі корпусы (ИРКК) Біріккен Араб әмірліктері мен Израильге соққы жасауы мүмкін екенін айтты. Бұл туралы CNN басылымы жазады, - деп хабарлайды Tengrinews.kz тілшісі.
Басылымның мәліметінше, Иран Дубай мен Хайфа қалаларына шабуыл жасамақ. ИРКК өкілдері Израильдің Иран генералы Касем Сулеманидің өліміне қатысы бар екенін айтады.
Сондай-ақ, осы ұйымның өкілдері Иранға қарсы қандай да бір әрекеттерге барғандарға шабуыл жасалатынын мәлімдеді.
"Кегіміз қорқынышты болады". Иран неге АҚШ-қа тіс қайрап отыр?
Еске салайық, мұның алдында АҚШ-тың Ирактың батысындағы Эйн-әл-Асад әскери базасына зымыран соққысы жасалғаны хабарланған еді. "ИРКК Ирактағы Эйн-әл-Асад америкалық әуебазасы бойынша он зымыран соққысы жасалғанын растайды", - делінген хабарламада. Телеарна мәліметтері бойынша, соққы - америкалықтардың Иран генералы Касем Сулейманидің өлтіруіне жауабы.
Осыдан кейін АҚШ-тың әскери базаларына соққының екінші толқыны жасалғаны хабарланған болатын.
"Соғысты Америка бастады". Иран ядролық келісімнен бас тартты
