Иран билігі ереуілдің сәтсіз аяқталғанын мәлімдеді

04 Қаңтар 2018, 10:26
0
Иран билігі ереуілдің сәтсіз аяқталғанын мәлімдеді - © kp.ua
© kp.ua

Ислам революциясы сақшылары корпусының (ИРСК) қолбасшысы Мохаммад Әли Джаафари елдегі 2017 жылдың бүлігі ереуілге шыққандар үшін нәтижесіз аяқталғанын мәлімдеді, - деп хабарлайды РИА Нововсти ИРСК-нің ақпараттық порталына сілтеме жасап. 

"2017 жылғы бүліктің сәтсіз болғанын мәлімдеймін. (...) Ереуілге шыққандар саны аз болды және Иран бойынша 15 мың адамнан асқан жоқ", - дейді Джаафари. 

Сонымен қатар, қолбасшы Вашингтон, Тель-Авив пен Эр-Риядты ДАИШ (Қазақстанда тыйым салынған) лаңкестеріне Иран аумағына кіруге бұйрық берді деп айыптады. 

БАҚ мәліметі бойынша, ереуіл салдарынан Тегеранда 450-ге жуық адам ұсталып, 20 шақты адам мерт болған. 

Еске салайық, Иранның Тегеран, Мешхед, Исфахан мен Решт сияқты ірі қалаларында 28 желтоқсаннан бастап әлеуметтік жаппай ереуілдер басталған. Иран президенті Хасан Роухани ереуіл ел ішіндегі қиындықтар мен сыртқы күштердің арандатуынан болды деп мәлімдеген. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай