1. Басты
  2. Біл
  3. Жаңалықтар
  4. Жаһан

Канада астанасында екі ұшақ әуеде соқтығысып қалды05 қараша 2018, 09:20

Канада астанасы Оттавада екі ұшақ әуеде соқтығысып қалды, - деп хабарлайды Tengrinews.kz тілшісі CTV телеарнасына сілтеме жасап.

Оқиға 4 қарашада шамамен сағат 10.00-де (Астана уақыты бойынша сағат 21.00-де) болған. Оттава полицейлерінің айтуынша, ұшақтар соғысқаннан кейін біреуі құлап кеткен. Ал екіншісі Оттава Халықаралық әуежайына келіп қонған.

Төтенше жағдай салдарынан апатқа ұшыраған ұшақтың ұшқышы қаза тапқан. Канаданың көлік қауіпсіздігі жөніндегі кеңесте әуежайға қонған ұшақтың айтарлықтай бүлінбегені айтылды. Ол ұшақта екі адам болған, ешкім зардап шеккен жоқ.