1. Басты
  2. Біл
  3. Жаңалықтар
  4. Жаһан

Кемеровте 53 адам қаза болған өртке қатысты сауда орталығының басшылығы ұсталды26 наурыз 2018, 12:27

© РИА Новости © РИА Новости

Кемеровтегі сауда орталықтарының бірінде болған төтенше жағдай дерегі бойынша 4 адам ұсталып, олардан жауап алынып жатыр. Бұл туралы Ресей Тергеу комитетінің ресми өкілі Светлана Петренко айтты , - деп хабарлайды Tengrinews.kz тілшісі.

Ведомство мәліметінше, қазіргі уақытта өрттен 53 адамның қаза тапқаны расталды.

"Тергеу шаралары белсенді түрде жүргізіліп жатыр. Қылмыстық іс аясында 4 адам ұсталып, олардан жауап алынып жатыр. Олардың ішінде сол ғимаратты жалға алушы да бар. Сонымен қатар, басқарма компанияның басшысы ұсталды. Қылмыстық істі тергеу жұмыстары жалғасып жатыр", - деп хабарлады Тергеу комитетінің өкілдері.

Еске сала кетейік, төтенше жағдай туралы хабар 25 наурызда түскі уақытта келіп түскен.  Өрт жоғарғы қабаттан шыққан. Өрт аумағы - мың жарым шаршы метр.