Ливия астанасы Триполиде бірнеше топтар арасында қақтығыс болпы жатыр, - деп хабарлайды "Хабар 24".
Ұлттық келісім үкіметі мен Халифа Хафтар әскері қақтығыстары салдарынан 75 адам қаза тапқан. Олардың қатарында бейбіт тұрғындар да бар. Сондай-ақ 300-ден аса адам жарақат алған. Осы қақтығыстың салдарынан жалпы 13 мыңнан аса тұрғын өзге аймаққа кетуге мәжбүр болды.
Елде гуманитарлық дағдарыс белең алып отыр. Ал жуырда Халифа Хафтар әскері Триполи маңындағы стратегиялық маңызы бар Айн Зара елді мекенін өз бақылауына алған.
