+7 (777) 001 44 99
Қазақша
Русский
English
Қазақша
Русский
English
Малайзиялық әйел Skype арқылы тұрмысқа шыққан, Сирияда "Ислам мемелекеті" тобында соғысып жүрген "күйеуіне" бармақшы болды, - деп хабарлайды Straitstimes.com. 27 жастағы әйел Куала-Лумпур әуежайында ұсталды.
Құқық қорғау органдарының мәлімдеуінше, әйелді "Ислам мемлекетінің" құрамына кіруге YouTubе порталынан қараша айында көрген бейне роликтер итермелеген. "Роликтерді көргеннен кейін ол мароккалық жендетпен танысып, оған тұрмысқа шыққан. Ол әйелді Сирияға баруға көндірді", - дейді полицияның инспектор-генералы Тан Сри Кхалид Абу Бакар.
Еске сала кетейік, бұған дейін "Ислам мемлекеті" Иракта секс-жиһадтан бас тартқан 150 әйелді өлтірген болатын. Оларды Ирактың Эль-Фаллуджа қаласындағы бауырластар зиратына жерледі. Оған дейін бұл елде тұрмысқа шықпаған мұсылман әйелдердің жыныстық міндеттері туралы жарлық шыққан болатын.
Сонымен қатар "Ислам мемлекеті" Эбола дертін жұқтырды, деген мәліметті жақында БАҚ жариялады. The New York Post мәліметі бойынша, жендеттердің арасында бұл дерттің бар-жоғын Дүниежүзілік денсаулық сақтау ұйымы тексеріп жатыр. Ұйым өкілдері Бағдаттан 400 шақырым жерде орналасқан Ирактың Мосул қаласындағы аурухана емделушілерінің арасында Эболаға шалдыққандар бар-жоғын анықтауға тырысып жатыр. Ирак басшылығының мәлімдеуінше, "Ислам мемлекеті" өз тобындағыларды бұл дерттен құтқара алмайды, себебі оларда құрылғы да, диагноз қоятын дағды да жоқ.
Қолданушыларымызға ыңғайлы болуы үшін пікір авторларының орналасқан жерін автоматты түрде анықтау функциясын жасадық.
Введите свою почту и пароль
0:00