Мальдив аралдарында "омикрон" штамм анықталды 06 желтоқсан 2021, 09:35
Мальдив аралдарында COVID-19 "омикрон" жаңа нұсқасын жұқтырудың алғашқы жағдайы расталды. Бұл туралы жергілікті билік хабарлады, - деп хабарлайды Tengrinews.kz тілшісі РИА Новостиге сілтеме жасап.
Вирусты аралға турист әкелгені хабарланды.
"Біз Мальдив аралдарында COVID-19 "омикрон" нұсқасының алғашқы жағдайын анықтадық. Бұл жағдай туристен алынған оң үлгіде жүргізілген геномдық секвенирлеу нәтижесінде белгілі болды", - деді Мальдив денсаулық сақтау агенттігінің (HPA) Twitter-дегі хабарламасында.
Бұған дейін Гамалея орталығының профессоры Анатолий Альштейн коронавирустың "омикрон" штамының таралуы COVID-19 пандемиясының аяқталуына әкелуі мүмкін деп болжады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!