Меркелдің зейнеттегі алғашқы күні Германия тұрғындарын таңғалдырды 11 желтоқсан 2021, 10:56
Германияның экс-канцлері Ангела Меркель үкімет басшысы қызметінен кеткеннен кейін "ұйқымды қандырамын" дегеніне қарамастан, зейнеткерліктің бірінші күні үйінен таңертең шығып кетті. Бұл туралы Bild таблоид басылымы жазады, - деп хабарлайды Tengrinews.kz тілшісі РИА Новости порталына сілтеме жасап.
Ақпарат бойынша, сағат 08:20-да Меркель кептелістерге қарамастан Унтер ден Линден көшесіндегі бундестагтағы жаңа кеңсесіне барған.
Кейінірек ол супермаркетке барады. Дүкенде экс-канцлер күзетшімен болса да, арбаны өзі сүйреп жүрді.
© bild.de
БАҚ мәліметінше, Меркелдің ендігі кеңсесі бұрынға канцлер Гельмут Коль қызметінен кеткенде барған жерде болады. Сондай-ақ, мұнда кезінде ГДР білім министрі Маргот Хонеккердің резиденциясы болған.
Германияның жаңа канцлері болып социал-демократ Олаф Шольц сайланды. Айта кетейік, Меркель бұл қызметті 2005 жылдан бастап 16 жыл қатарынан атқарды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!