Перуде автобус жүк көлігімен соқтығысты. Оқиға салдарынан 36 адам қаза тапты, - деп хабарлайды РИА Новости.
Жол апаты Перу астанасы Лима қаласынан 70 шақырым жерде орналасқан "Сайтанның бұрылысы" (Curva del Diablo) деп аталып кеткен жолда болған. 50-ден аса жолаушысы бар автобус жол-көлік оқиғасынан кейін биіктігі 100 метрдей болатын құзға құлап кеткен.
"Уараль провинциясының Пасамайо елді мекенінде болған жол апаты салдарынан қаза тапқандар саны 36-ға жетті және алты адам зардап шекті", - делінген денсаулық сақтау министрлігінің хабарламасында.
REUTERS/Guadalupe Pardo©
Оқиға орнында құтқарушылар мен дәрігерлер жұмыс істеп жатыр.
