29 шілде 2022 11:08

Си Цзиньпин Байденге ескерту жасады

Сұлу Бөлек Корреспондент

ПОДЕЛИТЬСЯ

©REUTERS ©REUTERS

ҚХР басшысы Си Цзиньпин Тайвань төңірегіндегі шиеленістің өршуіне байланысты АҚШ президенті Джо Байденге ескерту жасады, - деп хабарлайды Tengrinews.kz тілшісі Reuters агенттігіне сілтеме жасап.


ҚХР басшысы Си Цзиньпин Тайвань төңірегіндегі шиеленістің өршуіне байланысты АҚШ президенті Джо Байденге ескерту жасады, - деп хабарлайды Tengrinews.kz тілшісі Reuters агенттігіне сілтеме жасап.

Мемлекет басшыларының телефон арқылы сөйлесуі кезінде Си Цзиньпин Вашингтонның "тұтас Қытай қағидасын" ұстануы керек екенін, Қытай сырттан Тайвань тәуелсіздігі мен сыртқы істеріне араласуға үзілді-кесілді қарсы екенін айтты. Сонымен қатар, Қытай халқының Тайвань мәселесінде "Қытайдың ұлттық егемендігі мен аумақтық тұтастығын қорғауға" бел байлағанын, арал жарияланған тәуелсіздікті мойындамайтынын айтты.

"Отпен ойнаған күйеді. АҚШ бұған шындап қарайды деп үміттенеміз", - деді Си телефон арқылы.

Байден Си Цзиньпинге АҚШ-тың Тайваньға қатысты саясаты өзгермегенін және Вашингтон Тайвань бұғазы арқылы "статус-квоны" өзгертуге немесе бейбітшілік пен тұрақтылықты бұзуға бағытталған біржақты әрекеттерге қарсы екенін айтты.

Әңгімеден кейін Тайвань Байденге қолдау көрсеткені үшін алғысын білдіріп, АҚШ-пен қауіпсіздік саласындағы серіктестікті жалғастыратынын айтты, деп хабарлады Сыртқы істер министрлігі.

Ақ үй бұл қоңырау әкімшіліктің Қытаймен байланыс желілерін тереңдетуге және "қайшылықтарды жауапкершілікпен басқаруға" бағытталған жоспардың бір бөлігі екенін мәлімдеді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Читайте также
Join Telegram

Валюта бағамы

 448.12   483   4.85 

 

Ауа райы

 

Редакция Жарнама
Социальные сети