1. Басты
  2. Біл
  3. Жаңалықтар
  4. Жаһан

Стокгольмде жүк көлігі бір топ адамды қағып кетті: қаза болғандар бар

© twitter.com/ dennis wecker © twitter.com/ dennis wecker

Стокгольм қаласындағы жаяу жүргіншілерге арналған Дроттнинггатан көшесінде жүк көлігі бір топ адамды қағып, үшеуін мерт қылды, тағы сегіз адам жарақат алды, - деп хабарлайды РИА Новости. Бұл туралы Швеция радиосы оқиғаның куәгеріне сілтеме жасап хабарлады. Полиция жаяу жүргіншілерді қаққан күдіктіні ұстады. Швеция премьер-министрі Стефан Левен Стокгольм орталығында жаяу жүргіншілерді қағу оқиғасын теракт деп бағалады.

Жүк көлігі қатты жылдамдықпен қозғалып көшеде серуендеп жүрген адамдарды қаққан. Жүк көлігі артынша көшедегі бір дүкенге кіріп кеткен, - деп хабарлайды Швеция Радиосы. 

ҚО Сыртқы істер министрлігі және Швециядағы Қазақстан елшілігі оқиғаның мән-жайын тексеріп жатыр. 

"Швеция астанасындағы біздің дипломаттар зардап шеккендер туралы мәліметті тексеріп жатыр. Қазіргі уақытта Швециядағы ҚР Елшілігінде Қазақстанның 120 азаматы тіркелген", - деді СІМ баспасөз қызметінің басшысы Әнуар Жайнақов.  


Twitter.com / Lorand Bodo