Украина Ресейге қарсы соғыста жеңіске жете алады. Бұл туралы НАТО-ның бас хатшысы Йенс Столтенберг жексенбіде журналистермен видеобайланыс арқылы сөйлескенде айтты, - деп хабарлайды Tengrinews.kz тілшісі CNN-ге сілтеме жасап.
Столтенбергтің айтуынша, Украинадағы соғыс Мәскеудің сценарийі бойынша жүрмейді.
"Олар Киевті ала алмады, Харьковтан шегініп, Донбасстағы үлкен шабуылы тоқтап қалды. Ресей өзінің стратегиялық мақсаттарына қол жеткізе алмады", - деді альянс басшысы.
"Украиналықтар өз отанын батыл қорғап жатыр. Оларға көмектесу үшін одақтастар Украинаға миллиардтаған доллар көмек көрсетті", - деп қосты Столтенберг.
Бас хатшы Швеция мен Финляндия үшін НАТО есігі ашық екенін атап өтіп, олардың одаққа кіру туралы шешімін "тарихи" деп атады.
Столтенберг Стокгольм мен Хельсинкидің НАТО-ға қосылу процесін мүмкіндігінше тездеткісі келетінін атап өтті.
"Мен Түркияның алаңдаушылықты қосылу немесе қосылу процесін кешіктірмеу үшін жоя алатынымызға сенімдімін", - деді ол.
Сілтемесіз жаңалық оқисыз ба? Онда Telegram желісінде парақшамызға тіркеліңіз!