1. Басты
  2. Біл
  3. Жаңалықтар
  4. Жаһан

Украинаның сыртқы істер министрлігі Ресейге нота жіберді

Фото Tengrinews.kz мұрағатынан Фото Tengrinews.kz мұрағатынан

Украина сыртқы істер министрлігі, Донбастағы қаруланғандарды әскери қолдағаны үшін Ресей сыртқы істер министрлігіне нота жіберді, - деп хабарлайды  РИА Новости.

"Ресей Украинаға қаруланған, техникамен жабдықталған әскер жіберуін жалғастырып жатыр. Кеше Украина сыртқы істер министрлігі сыртқы саясатқа қатысты Ресей сыртқы істер министрлігіне нота жіберді", - деп мәлімдеді Украина сыртқы істер министрлігінің информсаясат департаментінің директоры Евгений Перебийнис.

Перебийнистің айтуынша, нотада Украина Ресейдің мұндай әрекеттері БҰҰ-ның халықаралық заңдық нормаларына қарама-қайшы екенін көрсеткен.

Айта кету керек, осыған дейін Ресей Украинаның оңтүстік-шығысында болып жатқан ішкі қақтығыстарға қатысы жоқ екенін бірнеше мәрте мәлімдеген. Бұған  қатысты Ресей сыртқы істер министрі Сергей Лавров Украинаның оңтүстік-шығысындағы қаруланғандарға әскери техника, оқ-дәрі және басқа көмектерді жеткізбегендерін, осы арада Ресейді кінәлауға негіз жоқтығын айтқан болатын.

Доллар арзандады
Доллар арзандады