Үндістанның Раджастхан штатында қабылан шарап дүкеніне басып кіріп, үш адамды жарақаттады. Оқиға 20 шілде күні таңертең Тодарайсингх қаласында болған, деп хабарлайды Tengrinews.kz NDTV телеарнасына сілтеме жасап.
Алдымен қабылан орманшыға шабуыл жасап, адам көп жиналатын базарға кірген, содан кейін шарап дүкеніне басып кіріп, тағы екі адамды жарақаттаған. Зардап шеккендердің екеуі ауруханаға жеткізілді, тағы біріне оқиға орнында көмек көрсетілді.
🚨 РАДЖАСТХАНДАҒЫ ШОШЫТАРЛЫҚ ОҚИҒА
— Kailash Vashi (@KailashVashi) 20 шілде, 2026 жыл
Жабайы леопард маңайдағы төбешіктерден Тодарайсингх (Тонк) қаласына келіп, SBI Chauraha маңындағы ішімдік дүкеніне тікелей басып кірді!
Жыртқыш аң алай-дүлей шығарды — бөтелкелерді қиратып, сатушыға тап берді, соның салдарынан ол жарақат алды...pic.twitter.com/EiAfd9OyAi
Қабылан дүкен ішінде қалып қойғандықтан, жергілікті тұрғындар сыртқы жапқыштарды түсіріп, жануарды ішке қамап тастады. Осылайша олар басқа адамдарға шабуыл жасауына жол бермеді.
Оқиға орнына орман шаруашылығы қызметкерлері мен мамандандырылған топ шақырылды. Шамамен бес сағаттан кейін қабыланды ұйықтатып, медициналық тексеруден өткізу үшін орман шаруашылығына жеткізді.