1. Басты
  2. Біл
  3. Жаңалықтар
  4. Жаһан

Үйлену тойына тікұшақпен шыққан қалыңдықтың апатқа ұшыраған видеосы пайда болды07 шілде 2017, 09:49

Желіде Бразилияның Сан-Паулу қаласына неке қиюға бара жатқан кезде апатқа ұшыраған тікұшақтың ішінде түсірілген видео пайда болды, - деп хабарлайды L!FE.ru.

Порталдың мәліметінше, оқиға өткен жылдың желтоқсанында болған. Бортта қалыңдық, ағасы, пилот және фотограф болған, қалыңдық жүктіліктің алтыншы айында болған. Ешқайсысы да бұл апаттан тірі қалмаған.

Daily Mail мәліметінше, Насимента Силва бала кезінен ертегідегідей той жасап, тұрмысқа шығуда армандаған. Сол армандарының ішінде неке қию рәсіміне тікұшақпен ұшып келу болған. Алайда оның бала арманы қайғыға ұласты. Қалыңдық кешіге бастағанда күйеу жігіт пен қонақтар алаңдаған. 

Тосынсый жайлы 300 қонақтың алтауы ғана біліпті. Сондықтан, апат жайлы естіген жұрт аң-таң болған. Тікұшақ той өтетін жерден бір шақырым қашықтықта құлаған. 


Оқиға орнында түсірілген сурет. ©GLOBAL LOOK press/Str.


Насимента Силва мен оның күйеуі