Якутияда мейрамханалардың бірінде Жаңа жыл мерекесін тойлау барысында жаппай төбелес болды. Оқиға 2018 жылы 1 қаңтарға қараған түні, шамамен 04:55-те "Сунгари" мейрамханасының гардеробында болған.
Оқиғаның видеосы ВКонтакте желісіндегі "CrimYakutia.ru: Криминальные новости Якутии" тобында жарияланды. Видеода лық толы тар бөлменің ішінде бірнеше адамның төбелесіп жатқаны түсірілген. Ашуға булыққан 20-дан аса жігіт төбелесті сыртта жалғастырған. Төбелестің нақты неден шыққаны әзірге белгісіз. Зардап шеккендер мен ұсталғандар жайлы мәлімет жоқ.
Осы дерекке қатысты полиция тексеру жүргізіп жатыр.
