Әлеуметтік желілерде бірнеше жігіт жартылай жалаңаш тұрған жасөспірімді аяусыз ұрып-соғып жатқан видео тарап жатыр, - деп хабарлайды Tengrinews.kz тілшісі.
Видео кадрларынан жасөспірімнің еш қозғалыссыз тұрғанын, ал оны екі-үш ересектеу жігіттің аяқпен теуіп жатқанын көруге болады. Бала еш қарсылық көрсетпейді, бірде басы қабырғаға, бірде еденге соғылып, құлайды. Кезекті соққыдан ол есін жоғалтып алады.
Қазақстанның Ішкі істер министрлігінің өкілдері бұл видеоға қатысты пікір білдірді. "Бұл ескі видео, 5-6 жылдай болып қалды. Роликтегі оқиғаның Қазақстанға қатысы жоқ", - деп хабарлады ІІМ Ішкі және сыртқы коммуникациялар директоры Алмас Сәдубаев.
