ESPN арнасының америкалық танымал журналисі Стив Ким жартылай орта салмақта жұдырықтасатын қазақстандық Данияр Елеусіновтің (7-0, 3 КО) соңғы жекпе-жегіне қатысты пікір білдріді, - деп хабарлайды Vesti.kz.
Өткен демалыста АҚШ-тың Оксон-Хилл қаласында Елеусінов төрешілердің бірауыздан шығарған шешімімен чилилік Луис Норамбуэнаны (3-2-1, 0 КО) жеңді. Бұл қазақстандықтың кәсіпқой рингтегі жетінші жеңісі.
"Бұл Елеусіновтің жақсы жекпе-жегі деуге болады. Жақын қашықтықтан жұдырықтасудан қорықпай, іске кірісті. Әзірге кәсіпқой боксқа икемделу қиындау болып тұр, бірақ, таланты бар", - деп жазды Ким твиттер желісінде.
That was a pretty good performance by Yeleussinov, wasn't afraid to stick his head into the pile and get to work. Been a bit of a tough adjustment to the pro game for him, thus far, but he's got talent #boxing
— Steve Kim (@StevESPNKim) 25 мая 2019 г.
Қазақстандық боксшының менеджері Зия Алиев Елеусіновтің келесі жекпе-жегі 27 шілдеге жоспарланғанын хабарлады. Кездесу Техаста өтпек.
