Жас зілтеміршілер допингке жоламайды - Бапкер

20 Маусым, 15:19
0
Жас зілтеміршілер допингке жоламайды - Бапкер - Бақыт Ахметов
Бақыт Ахметов

Ауыр атлетикадан Қазақстан жастар құрамасының аға бапкері Бақыт Ахметов Фиджи аралдарында өткен жасөспірімдер арасындағы әлем біріншілігін қорытындылады. Жаттықтырушының айтуынша, жас атлеттеріміз сәтті өнер көрсеткен, - деп хабарлайды Тengrinews.kz тілшісі ҰОК баспасөз қызметіне сілтеме жасап. 

Бапкердің айтуынша, Фиджидегі әлем біріншілігі біз үшін сәтті өтті деуге толығымен негіз бар екен.

"Жарысқа бес спортшыны апардық. Оның үшеуі медальмен оралды. Атап айтар болсақ, Дарья Ахмерова мен Карина Кузганбаева жеңіс тұғырынан көрініп, алтын медаль иеленді. Ал Артем Антроповқа сәл ғана сәттілік жетпей қалды. Бүгінгі таңда жасөспірімдер құрамасы Болгарияда жаттығу жиынын өткізуде. Аталған жиын еліміздегі ауыр атлетика федерауциясының бастамасымен ұйымдастырылды. Содан соң команда мүшелері тамыз айында жиналады. Ел Спартакиадасына қатысу үшін жаттығатын боламыз", - дейді Бақыт Ахметов.

Оның айтуынша, жас спортшылар енді 20 қазанда Солтүстік Кореяда басталатын Азия чемпионатына дайындалады.

"Сол сынға 2003-2004 жылғы жасөспірімдерді қатыстырамыз деген ойдамыз. Осылайша, жарыстар тізбегі жалғаса береді. Қазіргі команданың әлеуеті жақсы. Олармен жаттығудан бөлек, тәрбиелік мәні бар кездесулер өткізіп тұрамыз. Әсіресе, допинг дауына қатысты айтарымыз көп. Бүгінгі жас зілтеміршілеріміз допинг туралы мүлде білмейді. Спортшылармен үнемі бұл тақырыпта әңгіме қозғап, тыйым салынған дәрі-дәрмектерден аулақ болуға шақырамыз. Сонымен қатар, допингке қарсы ұлттық агенттік өкілдері жаттығу жиындарына қатысып, семинарлар өткізеді. Біз таза спортшыларды үнемі қолдаймыз, - деді аға жаттықтырушы.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай