Қазақ балуандары "Еуразия барысында" жеңіске жетті

09 Қазан 2015, 20:37
0
Қазақ балуандары "Еуразия барысында" жеңіске жетті - © Massaget.kz
© Massaget.kz

Қазақ күресінен үшінші рет ұйымдастырылған "Еуразия барысы" халықаралық турнирі мәресіне жетті. Қазақ балуандары финалда өзбек балуандарын 5:2 есебімен жеңді, - деп хабарлайды Massaget.kz тілшісі.

Бірінші болып боз кілемге Айдос  Сейпілұлы өзбекстандық қарсыласы Лазиз Маджидовты айқын басымдықпен жеңді. 66 келіге дейінгі салмақта белдескен Ғалымжан Әбдірахманов Асадулло Бозоровтың иығын жер иіскетті.

74 келіге дейінгі салмақта ел намысын қорғаған Айдос Ғалымов Камолоддин Расуловты таза жеңіп, есепті 3:0-ге жеткізді. Ал Сұңғат Закариев қарсыласы Алишер Құдайбердиевті жеңіп, Қазақстан құрамасына мерзімінен бұрын жеңіс сыйлады.

90 келіге дейінгі салмақта Қазақстан құрамасының балуаны Асыл Барменов қарсыласына есе жіберіп алды. Белдесудің аяқталуына 30 секунд қалғанда өзбек балуаны әдіске салып кетті. Кейінгі уақытта Асыл қарсыласынан айласын асыра алмады.

100 келіге дейінгі салмақта Мұхит Тұрсынов өзбекстандық Равшан Кусановты таза жеңіп, жанкүйерлер қуанышын еселей түсті. Ал соңғы белдесуде Айбек Нұғымаров қарсыласына есе жіберіп алды.

Айта кетейік, биылғы дода Қазақ хандығының 550 жылдығына арналып ұйымдастырылды. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай